config.py — sozlamalar

2-bob 6 kod bloki 579 so'z

Birinchi Python faylimiz. Nega aynan config?

Chunki qolgan hamma fayl shuni o'qiydi. Baza manzili, model nomi, chunk o'lchami — hammasi shu yerda. Agar sozlamalarni kod ichiga yozsangiz, keyin ularni o'zgartirish uchun 10 ta faylni ochishga to'g'ri keladi.

Qoida: parol kodda bo'lmaydi

python5 qator

# YOMON — parol kodda
DB_PASSWORD = "mening_parolim"

# YAXSHI — parol .env faylida
DB_PASSWORD = os.getenv("DB_PASSWORD")

Birinchisi git'ga tushadi va butun dunyo ko'radi. Bu nazariy xavf emas — GitHub'da har kuni minglab parol shu tarzda oshkor bo'ladi.

.env fayli

python16 qator

DB_HOST=localhost
DB_PORT=5432
DB_NAME=rag_demo
DB_USER=postgres
DB_PASSWORD=parolingiz

RAG_MODE=local
OLLAMA_BASE_URL=http://localhost:11434
OLLAMA_EMBED_MODEL=bge-m3
OLLAMA_MODEL=qwen2.5:7b

RAG_TOP_K=10
RAG_RERANK_TOP=5
RAG_SIMILARITY_THRESHOLD=0.3
CHUNK_SIZE=500
CHUNK_OVERLAP=100

Va .env.example — bir xil, lekin parolsiz. Bu git'ga tushadi, shunda boshqa dasturchi qaysi sozlamalar kerakligini biladi.

config.py

python36 qator

from pydantic_settings import BaseSettings
from pydantic import Field


class Settings(BaseSettings):
    db_host: str = Field(default="localhost")
    db_port: int = Field(default=5432)
    db_name: str = Field(default="rag_demo")
    db_user: str = Field(default="postgres")
    db_password: str = Field(default="")

    rag_mode: str = Field(default="local")
    ollama_base_url: str = Field(default="http://localhost:11434")
    ollama_embed_model: str = Field(default="bge-m3")
    ollama_model: str = Field(default="qwen2.5:7b")

    rag_top_k: int = Field(default=10)
    rag_rerank_top: int = Field(default=5)
    rag_similarity_threshold: float = Field(default=0.3)
    chunk_size: int = Field(default=500)
    chunk_overlap: int = Field(default=100)

    class Config:
        env_file = ".env"

    @property
    def database_url(self) -> str:
        return (f"postgresql://{self.db_user}:{self.db_password}"
                f"@{self.db_host}:{self.db_port}/{self.db_name}")

    @property
    def is_local(self) -> bool:
        return self.rag_mode == "local"


settings = Settings()

Qator-qator

BaseSettings — pydantic'ning maxsus klassi. U .env faylini avtomatik o'qiydi va qiymatlarni to'g'ri turga aylantiradi. DB_PORT=5432 matn edi — int bo'lib keladi.

Field(default=...) — agar .env da yo'q bo'lsa, shu qiymat. Shuning uchun loyiha .env siz ham ishga tushadi (bazadan tashqari).

@property database_url — parchalarni bitta manzilga yig'adi. Bu SQLAlchemy kutadigan format:

matn1 qator

postgresql://foydalanuvchi:parol@host:port/baza_nomi

is_local — lokal (Ollama) yoki bulut (OpenAI) rejimini ajratadi. Kodning boshqa joylarida if settings.is_local: deb yozamiz — matn solishtirishni takrorlamaslik uchun.

settings = Settings() — eng muhim qator. Bu bitta nusxa. Boshqa fayllar from app.config import settings deb oladi va hammasi shu bitta obyektni ishlatadi.

Tekshirish

bash1 qator

python -c "from app.config import settings; print(settings.database_url)"

Parol ko'rinadi — bu normal, chunki bu sizning kompyuteringiz. Lekin uni hech qachon log'ga yozmang.

Nega pydantic, oddiy os.getenv emas?

os.getenv hamma narsani matn qaytaradi:

python2 qator

top_k = os.getenv("RAG_TOP_K")   # "10" — bu MATN
chunks[:top_k]                    # XATO: matn bilan kesib bo'lmaydi

Pydantic buni oldini oladi: int deb e'lon qilsangiz — int keladi. Agar .env da RAG_TOP_K=abc yozilgan bo'lsa, dastur darhol xato beradi, uch soatdan keyin qidiruv paytida emas.

oldingi1. Papka tuzilishi keyingi3. database.py — bazaga ulanish

Bu bobni bepul o'qidingiz.

Kitob o'rgatadi, lekin sizning kodingiz nega ishlamaganini ayta olmaydi. Kursda uy vazifangiz tekshiriladi.

Telegramda yozish Narxlar